Transcription
1
Reçue à Valence, le 06 janvier 1574. Répondue le 09 janvier 1574.
2
Monsieur, de mes dernières lettres ie n’ay entendu
3
aulcunes nouvelles dignes d’estre escriptes, fors que
4
les Genevois ont composé leurs differents civilz
5
sans y laisser intervenir aulcun estranger
6
par doubte qu’il n’y boutast de l’huille en lieu d’eau.
7
Les Venitiens ne sont plus asseurez de demeurer
8
avec le Turq en si bon accord, par ce que
9
Mustapha Bassa, plus docte qu’accuse le Bartole,
10
a dict clerement à leur baylo que par la
11
cession qu’ilz ont faicte de Chippres à son maistre,
12
il n’entend pas de leur avoir reciproquement
13
cedez les quinze mil escuz qu’ilz luy payoint
14
ores que soubz le nom de tribut pour Chippres,
15
car ung si grand monarque ne heust pas
16
quittée une telle Republique du nom de tributaire
17
sienne à si bon marché que d’ung royaume
18
de Chippres, ia assés sien quand il heust voulu ;
19
encor n’est ce rien que cela au regard d’une
20
aultre demande qu’il leur faict, qui est que
21
ayant eux ruiné ung fort dont environ deulx ans
22
et moins que luy avoit commencé de fabriquer
23
sur le millieu presque du golfe de Cattaro
24près d’ung fort quil [barré : d’e ] y avoit ià nommé Chasteau
25
Neuf, il est raison qu’ilz le refacent à leurs despens
26
[mots barrés] (ores que grandy) à beaucop près
27
Tant preiudiciables comme dangereuse la
28
Consequence, demeurant par tel moyen la forte
29
ville de Cattaro (ià environnée des costez de terre)
30
privée d’espoir d’estre secourue par mer
31
et venise propre et la moytié de l’Ytalie
32
exposée à la descente dudit Turq à chesque printemps
33
[en travers dans la marge gauche : s’il faisoit hiverner ses gallères audit golfo, dont par ce moyen il auroit grande
34
commodité. Et voylà le peu de fiance que lon peult prendre aulx traittez
35
passez avec ce barbare. Dieu le tienne loing de nous et vous doint
36
Monsieur en santé sa saincte grace, me recommandant humblement à la votre bonne.
37
A Turin, ce 22 de decembre 1573
38
Votre humble et mileur obeissant frère et vray amy Montfort